المباراه
مباراه خياليه تم عقدها بين فريقين بين زمن الفن الجميل وزمن الحالى للغناء
ودارات احداث المباراه كالاتى
معكم معلقكم توفيق الدقن فى اذاعه المباراه المقامه بين الفريقين واطلق حكم المباره الصافره بدايه
المعلق: مين الى داخل ده البرنس رشدى اباظه نزل وشكله مخانق حبيته ومخاصماه ياترى بنان الزمن هتقول ايه
دخلت نانسى عجرم :وهى بتقوله اخاصمك اه اسيبك لا وجوه القلب هتفضل حبيبى الى انا بهواه
دالمعلق : ياحلاوه كده بتحاول تدلل عليه هو الدلال بقى لزقه قال اخاصمك اه قال أسيبك لا غلاسه وتباته ايه الدلع والدلال ده
ايه ده ايه ده دخلت الشحروره تقولها هوده الدلال الى على اصله والدلع
وغنت الشحروره: انا كده انا كده دلوعه دايما عودتنى على كده صالحنى احسن
المعلق : وجون وجون وجون هوده الدلال هو ده الدلع شوفتوا الذكاء خلته هوه الى هيصالحها كمان
المعلق طيب السوال التانى لوعايز تعبر لحبيتك عن حبك هتعبرازاى
فريق الزمن الجميل ينوب عنهم عبدالحليم فى الاجابه
عبدالحليم بيغنى ويقول:بحبها بحبها وبقلبى دايب حبها ياريت ياشوق تروحلها ويحس بيا قلبها بحبها بحبها
المعلق : ودى اجابه فريق الزمن الجميل اجابه الفريق الاخر هى
سعد الصغير : بحبك ياحمار وبعزك ياحمار
وقبل مايكمل اغنيته كان فريق الزمن الجميل اتصاب اتنين منهم بجلطه دماغيه نتيجه كلمات الاغنيه وتدنى المشاعر
وفى الفتره دى وللعمل اسعافات اوليه استعنا بطقم ممثلين جداد وقدماء واخدنا رايهم لوحبيت تعاكس تقول ايه:
رد عبد الفتاح القصرى وقال: ياصفايح الزبده السايحه يابراميل القشطه النايحه
ورد جيل من الفنانين الجدد دفعه القرن العشرين وهما بيقولوا ايه الاستكى ده الى ماشى يتكى ده!
ونناشد من الساده الجماهير ترجمه الجمله السابقه الى العربيه حيث تعذر على الجيل القديم فهم تلك اللغه
انتهت الاستراحه ورجع معكم معلقكم من جديد بعد عوده الفريقين معكم معلقكم توفيق الدقن الووو ياأمم
السوال الثالث :لوحبيتك مخصمامك هتقولها ايه؟
عبدالحليم حافظ: قولى حاجه اى حاجه قول بحبك قول كرهتك قول قول قول ومايهميكش حاجه
بهاء سلطان هيقول لحبيته: قوم اقف وانت بتكلمنى قوم اقف بصللى وفهمنى ولاتتكلم وانا بتكلم وان زعلت ابقى امشى وسيبنى
المعلق: ياعينى على الصبر ايه الحب ده وليه يابنى جبليها عصايه واضربها احسن بيها بلا وجع قلب واحلى من الصبر مافيش !!!
السوال الرابع لوحبيت وعايز تشوف حبيبتك هتعمل ايه
عبد المطلب : ساكن فى حى السيده وحبيبى ساكن فى الحسين وعشان انول كل الرضا ليلتى امشى من السيده لسيدنا الحسين
المعلق : ياعينى بيتعب هو ده الحب عشان الرضا ويطل طله ماشى كل المشوار ده ايوه ياطلب اطربنا كمان وكمان
وضحك الفريق التانى وهو بيقول بقى عشان تبصللى اقعد رايح وجى وليه التعب ده كله يعنى
وردت انغام وقالت بسهوله ومن غير مشوره ورايج جى اقوله :نمره تليفونك كام ادينى النمره اوام رد المعلق: صحيح واحنا لسه هنضيع وقت ده عصر الستالايت والتكنولوجيا تليفونات ونت ومعرفه على السريع حب تيك اوى ! واحلى من الشرف مافيش
طب السوال التانى عن الحب تقدر تحب كام واحد ؟؟؟
شاديه: مقدرش احب اتنين عشان ماليش قلبين حبييبى جوه فى قلبى والتانى اجيبله قلب منين ماأقدرش احب اتنين
خالد على : محتار اختار مين فيهم هما الاتنين عجبنى هما الاتنين حسينى محتار اختار مين فيهم
المعلق طبيعى قلبك يساعى ميه والف مدانم تقدر تكلم ميه واحده على النت وميه واحده التليفون لازم يبقى شقه مفروشه للايجا ر كمان
شاديه: ان راح منك ياعين هيروح من قلبى فين ده القلب يحب مره مايحبش مرتين مايحبش مرتين
ايوه اثلجى قلبنا الواحد يحب واحد مش زى اخينا محتار بين كام واحد
السوال التالى
طب لو حبيت تعبر عن اعجابك وتلفت نظرها هتقولها ايه
محمد قنديل رد وهو بيقول: ياحلو صبح ياحلو طل ياحلو صبح نهارنا فل من اد إيه وانا بستناك وعينى على الباب والشباك عشان اقولك واترجاك عشان اتقولك واترجاك ياحلو ياحلو صبح
محمود العسيلى رد وهو بيقول: كان فيه بنت اسمها تررم ضحكتها مش طبيعيه لما عينى بتشوفها قلبى بيجى فى رجليا مجنونه ومجنانه وعيونه مش فاهمانه
بنت اسمها تررم وده من ايه دة !الله مانى لااسالك رد القضاء ولكن اسالك الطف بى وصبرنى عليهم يابنى دى اجابتك الاخيره يلا ماشى
المعلق : لوحبيبك مش بيسال فيك ومش معبرك هتقوله ايه
عبدالحليم: مغرور حبيبى كتير عايز افهمه عايز اقوله حاجات تهديه وتفهمه انا مش هافرح فيه لما الشوق يناديه مغرور!
ردت رانيا الكردى: شايف نفسك شايفه نفسى وهاوريك ياقاسى نفسى وهاعمل كل شئ فى نفسى
المعلق لوعايز تقول لحبيبك على حالك وعيشتك هتقول ايه
مدحت صالح: وانا وويااه بعيش زى المليونيرات بحلم وانا معا يشيش مالعنش الازمات وجنانى ده عين العقل !
المعلق : صحيح اقرع ونزهى
محمد فوزى: شحات ومد إيديه وكسر خطره حرام اديله نظره ولاابتسامه
وردت بسرع سيمون وقالت
مش نظره وابتسامه مش كلمه والسلامه دى حاجات كتيره ياما لوناوى تحبينى!
رد المعلق وقال واضح ان الفقر والشحاته مشتركه بين الفريقتين ههههه
وقد انتهت تلك المباره الذى وضح فيها وجود اختلافات بين الجيلين والمعركه دى مافهاش غالب ولامغلوب وعليك ايها المشاهد اختيار الزمن الذى تود الانضمام له حسب مفاهيمك ورؤيتك للحياه ورؤيه نتيجه المباراه كمايحلو لك سواء تعادل اوهزيمه لاحد الفريقين
والجزء الثانى من المباراه هو زواج هيفاء وهبى وعبد الحليم
وهذا هو الرابط
تحياتى ثومه وارجو الجزئين ينولوا اعجباكم
ودى تحيه للصديقى رامى
10 اكتوبر, 2008 03:53 ص